Joan den urriaren 14an, DBHko 4. mailako D ereduko ikasleek Euskarabideak antolatutako Sarean Euskaraz ekimenean parte hartu zuten. 8. edizioa du eta Iruñeko Baluarten egin zen.Goiz osoko jarduera horretan, Iruñerriko beste hainbat ikastetxetako ikasleekin batera, sarean eta zenbait teknologiatan euskaraz aritzeko proposamenetan parte hartu zuten ikasleek. Horrez gain, Egunean Behin jolas ezagunaren berri jaso zuten hori garatu duen enpresaren bitartez.
Ikasleek jolas kolektibo batean parte hartu zuten eta gure ikastetxeko Xabier Mendiburu izan zen garaile. Break Out jolas bat ere izan zuten pista desberdinak baliatuz kutxa baten giltzarrapoak askatzen joateko. Horretan ere garaile atera zen gure institutuko ikasle talde bat. Sarean harreman zuzen eta errespetuzkoak izatearen gaineko dinamika eta hitzaldi batean parte hartu zuten, eta baita sarearen gure erabilerak uzten duen aztarnari buruzko gogoeta bultzatzen zuen beste batean.
