Dagoeneko argitaratu dira Estatuko Aldizkari Ofizialean unibertsitatez kanpoko ikasketetarako beken deialdi orokorra eta hezkuntza-laguntzako berariazko premia duten ikasleendako deialdia, biak Hezkuntzako eta Lanbide Heziketako Ministerioarenak.
Aurreko urteetan bezala, eskaera guztiak on line eginen dira.
Esteka hauetan duzue informazio guztia, deialdiaren testua barne, pdf formatuan.
Beken deialdi orokorraren kasuan, urriaren 1ean amaituko da eskaerak aurkezteko epea.
Hezkuntza-laguntzako premia duten ikasleentzako beken kasuan, badakizue -aurreko ikasturteetan halaxe izan baita- beka gauzatzean pdf fitxategi bat sortzen dela. Fitxategi hori inprimatu ondoren, ikastetxean aurkeztu behar da, eta, han, dokumentu batzuk bete beharko dira.
Ministerioak epe hauek ezarri ditu:
– ikasleek eskaera ikastetxean aurkezteko epea irailaren 30ean amaituko da,
– ikastetxeek zuen eskabide guztiak gainbegiratuak eta behar bezala beteak bidaltzeko epea, berriz, urriaren 20an amaituko da. Eskabideen zerrenda ere bidali beharko duzue.
